టుడే టైమ్స్ న్యూస్ (హైదరాబాద్) :

హైదరాబాద్‌లోని కేపీహెచ్‌బీ పోలీస్ స్టేషన్ పరిధిలో “Arrive Alive” కార్యక్రమం భాగంగా ప్రత్యేక అవగాహన కార్యక్రమం నిర్వహించారు. జేఎన్‌టీయూ జంక్షన్ వద్ద లా & ఆర్డర్ ఎస్‌హెచ్‌ఓ,ట్రాఫిక్ సిఐ జానయ్య ఆధ్వర్యంలో ఈ కార్యక్రమం నిర్వహించారు.ఈ సందర్భంగా రోడ్డుపై ప్రయాణించే ద్విచక్ర వాహనదారులకు హెల్మెట్ వినియోగం,దాని ప్రాముఖ్యత గురించి పోలీసులు వివరించారు.ప్రమాదాల సమయంలో ప్రాణ రక్షణలో హెల్మెట్ కీలక పాత్ర పోషిస్తుందని తెలియజేశారు.అదేవిధంగా,అక్కడ తాత్కాలికంగా హెల్మెట్లు అమ్మే స్టాల్‌ను ఏర్పాటు చేసి,హెల్మెట్ లేకుండా ప్రయాణించే వారిని ఆపి,చలానా విధించకుండా వారిని అవగాహన కల్పించారు.పోలీసులు సూచనల మేరకు సుమారు 30 మంది అక్కడే హెల్మెట్లు కొనుగోలు చేసి ధరించారు.పోలీసుల ఈ వినూత్న కార్యక్రమానికి ప్రజల నుంచి మంచి స్పందన లభించింది.రోడ్డు భద్రతపై మరింత అవగాహన కల్పించేందుకు ఇలాంటి కార్యక్రమాలు కొనసాగుతాయని అధికారులు తెలిపారు.